أحلى نصاائح لقيادة السيارة بدمشق - سوووريا ..

لما بتسوق سيارتك !!عامل جميع السيارات الآخرين كأعداء، لا تستعمل أي
إشارات ضوئية أو يدوية ، لأن في ذلك كشف لنواياك وإتجاهك للأعداء ..

وإذا تطلب الأمر، عطي غماز وشد من قلب ورب .

المشاة قوة معرقلة لك، لا تأبه لهم ولا تنظر اليهم،بالذات بمنطة
البرامكة(مواجه سانا)وشارع الحمراء ..ولكن ... مع ذلك تجنب تمعسلك
واحد منهم .... ما لم تكن مهيئاً ماليًا لتحمل تبعات ذلك .

إذا كانت سيارتك قديمة إعتمد على مبدأ: اللي خايف على حالو يبعد، إذا
كانت سيارتك جديدة، إبعد عن السيارات المعفنة والمهرتكة، لانها عدو لا
يرحم وأصحابها يبحثون عن تعويض مالي ... طبعا في حال كنت معلم وواثق
من نفسك ، أكيد لا تخلي إبن مكرو سيرفيس يطحش عليك وبعدها يعطيك نظرة
إستعلاء،ولو كانت سيارتك جديدة.

لما بتدخل على "ساحة " لا تنظر الى السيارات القادمة، لان من ينظر
اليهم يعني أنه منتبه لهم ... لذا وجب عليك تعطيهم الطريق ، واذا ما

عطيته، بيعتبر حالو بذلك فقد حق من حقوقه المكتسبة ، وطبعا إنت مانك
مخلفو ونسيانه لتعطيه الطريق.

في الإزدحامات المرورية إعتمد على مبدأ:"اللي يدخل بوز سيارته أولاً
بيربح" طبعا مع تكبيس ورخي للفرام لحتى تفهم اللي عم تطحش عليه إنك
إنت مبغل أو إنك غشيم سواقة .. ولكن إحذر أن تستخدم هذه القاعدة مع
باصات المصري خوفًا على بوز سيارتك ... او مع الهوندايات والعتالة
...خوفا على حياتك !

عند السير البطئ، لا تترك مسافة بينك وبين السيارة التي أمامك أبدًا،
لان ترك مثل هذا الفراغ
يعني دخول بوز سيارة شخص تاني ... وهذا يكون على حساب كرامتك بالطبع

حاول دائما ان يكون خط المسار الأبيض بمنتصف سيارتك ...مشان أيا من
المسارين اليميني أو الشمالي فضي أكتر .. بتشك عليه قبل
الكل.

وعند الوقوف على اشارة ضوئية ... يجب البدء
بالتزمير عندما يكون العد التنازلي للإشارة الحمراء أصبح بحدود 5
وبالذات بإشارات أبو رمانة وإشارة شارع الباكستان (سبع بحرات)مع شوية
عالي واطي إذا كانت الدنيي ليل ، وقد يعبي فيك تكسي من ورا .. ولكنه
سيكون معذور ... يا شارد بالبنت يلي بالمقعد الوراني معو ... أو علقت
الشحاطة بالدبرياج ومالحق ( الفراموت ) يعني الفرامات ...

أما في السير السريع، فإحرص على أن (تلز) بالسيارة التي أمامك بكل
سرعتك ولما يشوفك سائقها مصورخ وراه: يكون هناك ثلاث إحتمالات:

إذا كان ذلك السائق مؤدب أو بغو،فلا بد أن يفسح لك المجال لتجتازه،
وبذلك تكون قد حققت نصراً عليه ... ولك أن تنظر له نظرة إستصغار وأنت
تجتازه

إذا كان جبان... سيفسح لك المجال لإجتيازه،
ولكن آنذاك وأثناء عملية
الإجتياز قد تسمع بضعة كلمات:قد يكون فيها أسماء حيوانات أو أهالي أو
أجزاء من الجسم أو صفات،وطبعا لازم تكون انت متوقع هالشي لترد عليه رد
سريع من خلال شباكك المشقوق نص شقة.

أما إذا لم يكن مؤدباً وهم الأغلبية السائدة في الشوارع حاليًا، فسوف
يبدأ بالتباطؤ، والكسر عليك محاولا تفويتك بحيط او بشجرة.طبعا بهي
الحالة عليك بالزمور المستمر والعالي واطي سواء أكانت الدنيي ليل
أونهار ، ويفضل انو ماتكون حاطط حزام أمان(ليه؟) مشان في حال كان
هالزلمة شاوي أو مشكلجي او ابن مسؤول ونزل لعندك بأول إشارة، تنزل
بسرعة .. وتبدأ معركة صغيرة (مباكسة في غالب الأحيان)مع إحتمال وجود
أسلحةبيضاء:كريكو،عصاية،قشاط مفك..طبعا مع تكرار نفس اسماء الحيوانات
والاهل و .. و .. و ، المذكورة
سابقا.

وبالنسبة لشرطة المرور بالذات اصحاب الميتورات الملقبين بـ (كاليميرو)
... في حال أوقفك .. فهو دابئك دابئك ليلط المبلغ اللي في النصيب ،
إلا اذا كان لديك واسطة ...في حال عدم وجود الواسطة عليك بخمسين ليرة
بالنسبة لأغلب المشاكل البسيطة، لذا ينصح دائما بوضع خمسين جاهزة مع
أوراق السيارة.

القيادة: فن و ذوق وأخلاق

له له على هالنصائح

ثاااااانكس

» أحلى تشكييلة اكسسوارات روووعة من دمــــــاس ...تفضلو وشوفو$$