سندريلا 2007
طلعو ابوها وامها ......
وكالعادة وصايا امها العشرة .......
اجلي الجلي.. كنسي البيت.. امسحي الغبرة.. لمي الغسيل.. اكوي ..............الخ
اعدت على هالكنباي والبيت أيام مش آعد وسرحت............
ولا بسم الله هالجنية بالفسطان الابيض وبعصاتها إللي عليها نجمة لمعت ونضفت البيت كلو .....وحكتلها جيبيلي اربع حبات دونت وحبة سنكرز وبكيت مستر شيبس ومصاص تشوبر تشوبس.....وحركت الجنية هالعصاي وسحرتهم لسيارة همر مع شوفير بشعر موأف كريزي ..وحولت بنطلونها البيجامة المكوع وبلوزتها الشائلة المطبعة كلور وزنوبتها الزرقا المخيطة....لبنطلون جينز ضيق ابو خصر ساحل بإشاط عريض وبدي نص بطن..
وكندرة ببوز طويل وكعب عشرة سم وبطقطق...وصبغتلها شعرها اشقر بخصل بلاتين وخلتو ناعم وطويل ولا هيفا وهبي ومكيجتها وحطتلها لينسيز لون ازرق ولا نانسي عجرم
واعطتها موبايل N90 وحكتلها بس ارن رنة عليكي بتروحي.
طلعت بالهمر وفعط الشوفير على المول، نزلت من السيارة وقفت على باب المول ولا هالشباب حواليها على ايش ياحلو.. وممكن نتعرف.. واعطيني رقمك ياعسل ..وانشالله تطلعي على أبري....ولا هاشاب الطويل ومفتول العضلات عريض المنكبين....
وعيون السود الوساع، والشعر الطويل، ولحية ديرتي فيس، ولا وائل كفوري..وقف هيك وطلع عليها....................
الله يغضب عليكي الله يقصف عمرك
صحيت من سرحانها على صياح امها ...........
وشلحت امها من رجلها فردت بابوجها الإحمر وبلشت وين الجنب البوجعك.........
وإن شاء الله يكون عجبكم .. . .
14th أغسطس 2007, 4:47 pm
يعطيييك العااااااافية عالمواضييع المميزة ودائما هيك ان شااالله